2017年7月21日 星期五

防中化妝樓陷阱 買舊樓前宜搵專家檢查

on.cc東網專訊

置業是人生大事,打工仔窮一生積蓄上車,自然想有個舒適安樂窩。特別是購買高齡舊樓單位時,無論是內籠狀況、簽買賣合約、抑或銀行按揭等方面皆需加倍留意,一不留神隨時「中伏」,影響置業大計。

有資深地產代理指,高齡舊樓內籠狀況一定要睇清睇楚,尤其是滲水、漏水問題更加不容忽視,若遇到心儀單位,最好相約有豐富睇樓經驗的人士一起睇樓檢查清楚。

他續說,市場上不乏俗稱「化妝樓」的連裝修舊樓放盤,雖然拎個篋可入住,但因有機會隱藏滲水、水電及僭建等問題,事後才發現恐怕得不償失。

他建議買家寧可購入內籠較殘的單位,勝在自己一手一腳找師傅跟裝修,尤其「唔好慳」重鋪電線及水喉,住得更安心。

另外,高齡舊樓難免面對樓宇大維修問題,費用可大可小,購入單位之前謹記向地產代理、業主立案法團或管理處查詢維修情況,簽買賣合約時不妨「白紙黑字」向原業主釐清繳付維修費的責任誰屬,只要列得清楚,即使成交期內宣布大廈維修,買家一樣可以免付維修費用。

按揭方面,高齡舊樓買家未必一定獲銀行借盡按揭,宜購入單位前先找銀行預先批核。僭建問題亦會影響銀行審批按揭的取態,建議多了解單位內籠狀況,以免失預算。

沒有留言: